Хонанда Зоҳиршоҳ Жўраев карантинда уйда ўтирган мухлисларининг кайфиятини кўтариш, уларни руҳан қўллаб-қувватлаш учун Instagram орқали мини-концертлар ташкил этмоқда.
«Азизлар, ўзингиз хоҳлаган қўшиқни жонли тарзда куйлаб беришимни ваъда қилган эдим, бугун шу ваъдам устидан чиқмоқчиман. Ҳозирги қайғули кунда оз бўлса ҳам кўнглингизни кўтаришга, уйда бўлган чоғингизда ҳам сизга далда бўлишга қўлдан келганча ҳаракатдаман, хизматингиздаман. Ўртамизда масофа бўлгани билан сиз азизларим билан қалбан яқинман, биргаман. Сизлар яна бирор қўшиғимни жонли тингламоқчи бўлсангиз, ўз фикрингизни қолдиринг. Мен қўлимдан келганча сизни оз бўлса ҳам хурсанд қилиш учун ҳаракатдаман. Чунки бир инсонни кўнглини кўтариш ҳам улуғ яхшиликлардан ҳисобланади», — деб ёзади Зоҳиршоҳ Жўраев.
https://www.instagram.com/p/B-CZPkFhT2J/
Мавзуга доир:
Эслатиб ўтамиз, айни пайтда Ўзбекистонда коронавирусга чалинганлар сони 49 нафарга етди. 24 мартдан Ўзбекистонда коронавирус инфекцияси тарқалишига қарши кучайтирилган тартиб жорий этилди, деҳқон бозорларидан ташқари барча бозорларнинг фаолияти тўхтатилди.
Изоҳ (0)