Самарқандда танишини коронавирус касаллигига чалинган, дея ёлғон хабар тарқатган фуқаро 12 суткага қамалди, — дея хабар беради «Дарё» мухбири Фарҳод Норбўтаев.
Маълум бўлишича, Самарқанд шаҳри Урганч кўчасида яшовчи Ш.И. жорий йилнинг 30 март куни Telegram ижтимоий тармоғидаги гуруҳда овозли хабар қолдириб, таниши коронавирусга чалинганини, унинг оила аъзолари ҳам олиб кетилганини билдирган. Шунингдек, касалликка чалинган таниши яна бир неча кишилар билан мулоқотда бўлиб, коронавирус касаллиги Самарқандда ҳам аниқланган, дея ваҳима уйғотган.
Мавзуга доир: «Бундай пайтда ҳазил кетмайди». Абдулла Арипов коронавирус бўйича асоссиз маълумот тарқатганларга чора кўрилиши ҳақида
Ёлғон хабар тарқатган ва ИИБ ходимларига қаршилик кўрсатган фуқаро Ш.И. Маъмурий жавобгарлик тўғрисидаги кодекснинг 194-моддаси 1-қисми (Ички ишлар органлари ходимининг қонуний талабларини бажармаслик) ва 195-моддаси (Ички ишлар органлари ходимларининг ўз хизмат бурчларини бажаришларига қаршилик кўрсатиш) билан айбдор деб топилиб, унга нисбатан 223 минг сўм миқдорда жарима ҳамда 12 сутка маъмурий қамоқ жазоси тайинланган.
Изоҳ (0)