«Шанхай СИПГ»нинг бразилиялик легионерлари Ҳалк ва Оскар Хитой чегараси ёпилишига 11 дақиқа қолганида мамлакатга киришга улгурган, дея хабар қилмоқда Marca.
Фото: Getty Images
Хитой ҳукумати 26 мартдан 27 мартга ўтар кечаси чет элликлар учун чегарани ёпганди. Маълум бўлишича, бразилиялик футболчилар 26 март куни 23:49 назорат пунктига етиб келишга улгурган. Ҳар икки футболчи 14 кунлик карантинга юборилган.
«Шанхай СИПГ»да фаолият юритувчи ўзбекистонлик футболчи Одил Аҳмедов чегара ёпилишидан бир неча кун аввал Хитойга етиб борган. «Чанчун Ятай» бош мураббийи Самвел Бабаян эса 23 март куни Ўзбекистонда барча рейслар тўхтатилишидан аввал Хитой сари йўл олган. Бу ҳақда «Championat.asia» хабар қилмоқда.
Маълум бўлишича, Хитой чемпионатида тўп сурувчи бир қатор легионер футболчилар белгиланган вақтга етиб кела олмаган. Мамлакатда миллий чемпионат баҳслари май ойида старт олади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
