Самарқанд шаҳрида ноқонуний сотилаётган картошка ва тиббиёт ниқоблари аниқланди. «Дарё» мухбирининг хабар беришича, Самарқанд шаҳар давлат солиқ инспекцияси ва Иқтисодий жиноятларга қарши курашиш департаменти томонидан шаҳар ва туман бўлимлари озиқ-овқат маҳсулотлари ва зарур тиббий буюмлар нарх-навосини ўрганилган.
Тадбир давомида ноқонуний сотилаётган 29 миллион 705 минг сўмлик картошка ҳамда 4 миллион 226 минг сўмлик тиббиёт ниқоблари аниқланган.
Маълум қилинишича, «Сиёб» деҳқон бозорига қарашли улгуржи бозор филиалида фуқаро А.А.дан 854 минг сўмлик 244 килограмм, Ҳ.И.дан 1 миллион 302 минг сўмлик 372 килограмм, Х.И.дан 1 миллион 449 минг сўмлик 414 килограмм М.Н.дан 23 миллион 999 минг сўмлик 6857 килограмм ноқонуний сотилаётган картошка далилий ашё сифатида олиб қўйилган.
Шунингдек, «Каттақўрғон шаҳар деҳқон бозори» МЧЖга қарашли «Яшил бозор»да ўтказилган назорат тадбирида фуқаро Ж.З. тиббий буюмлар савдоси билан тегишли ҳужжатларсиз шуғулланаётгани аниқланган. Ундан умумий қиймати 4 миллион 226 минг сўмлик 1947 дона тиббиёт ниқоби, 43 та қўлқоп ва 164 флакон этил спирти олиб қўйилган.
Изоҳ (0)