УЕФА коронавирус пандемияси туфайли юзага келган вазиятдан сўнг 17 март, сешанба куни мажлис ўтказади.
АS нашрининг хабар қилишича, УЕФА мазкур йиғилишда миллий чемпионатлар ғолиблари, Еврокубокларда иштирок этадиган клублар ва мусобақани тарк этадиган жамоаларни аниқлаш мезбонларини эълон қилади.
Агар бирор мусобақа ўтказилмай қолса ташкилот айни дамдаги етакчини чемпион сифатида эълон қилмоқчи. Худди шу тизимда еврокубоклар иштирокчилари ҳам аниқланади.
Миллий чемпионатни тарк этадиган ва янги қўшиладиган жамоалар тақдири лигаларнинг ўзига топширилади.
Мавзуга доир: Коронавирус ва спорт: Қолдирилган Суперлига, бўм-бўш «Humo Arena» ва Тожикистонга қарши сир тутилган ўртоқлик ўйини
Маълумот учун, айни дамда Европа кучли бешлик чемпионатларида қуйидаги жамоалар етакчи бўлиб турибди: «Ливерпуль» (Англия), «Барселона» (Испания), «Бавария» (Германия), «Ювентус» (Италия), ПСЖ (Франция)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)