Elmira Bositxonova O‘zbekiston Xotin-qizlar qo‘mitasi raisi sifatidagi faoliyati davomida ko‘plab oddiy masalalarni hal qilishda ham vazirlardan yordam olishga to‘g‘ri kelganini tan oldi. U bu haqda jurnalistlar bilan ochiq muloqotda aytib o‘tdi.
Xotin-qizlar qo‘mitasi raisi sifatida nimalargadir ulgurdim, nimalargadir kuchim yetmadi. Masalan, huquqiy masalalarda to‘siqlar bo‘lsa, ularni vazirlarga qo‘ng‘iroq qilsamgina yechish mumkin edi. Tumanlardagi oddiy muammolarni yechishda ham qiyinchiliklar bor edi.O‘zbekistonda 2020-yil fevralida Mahalla va oila masalalari vazirligi tashkil etildi. Shu munosabat bilan Xotin-qizlar qo‘mitalari tugatildi, bungacha ushbu qo‘mitalarga raislik qilgan aksariyat ayollar joylarda tuzilgan mahalla va oila masalalari bo‘yicha organlar rahbarlarining birinchi o‘rinbosarlariga aylandi.Salomatlik masalasida-ku, gapirmasa ham bo‘ladi. Masalan, bir narsani ko‘p bora takrorlaganman — o‘tgan 20 yil davomida tizimdagi akusher-ginekologlarning homilador ayollarga birlamchi yordam berishi tizimini, bolalarga profilaktik tibbiy yordam berish tizimini yo‘qotib qo‘ydik.
Elmira Bositxonova, mahalla va oilani qo‘llab-quvvatlash vaziri birinchi o‘rinbosari
Xususan, vazirlik tashkil etilguniga qadar O‘zbekiston bosh vaziri o‘rinbosari — respublika Xotin-qizlar qo‘mitasi raisi lavozimida ishlab kelgan Elmira Bositxonova mahalla va oila masalalari vazirining birinchi o‘rinbosari etib tayinlandi.
Qayd etish joiz, vazirlik tomonidan o‘z vakolati doirasida qabul qilingan qarorlarning ijrosi davlat va xo‘jalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, fuqarolar uchun majburiy hisoblanadi.
Izoh (0)