Андижон вилояти ҳокимининг матбуот котиби Мирзоҳид Ботиров ишдан кетган. Бироқ хабар расман тасдиқланмаган, деб ёзмоқда «Xabar.uz» нашри. Истеъфо унинг ижтимоий тармоқларда тарқаган ёзишмаларига боғлиқ ёки боғлиқ эмаслиги ҳам номаълум.
Фото: «Xabar.uz»
Бир муддат аввал, ижтимоий тармоқларда Андижон вилояти ҳокими матбуот котиби Мирзоҳид Ботировга тегишли экани айтилган ёзишмаларнинг нусхаси (скриншот) тарқалгани ҳақида хабар берилган эди. Мирзоҳид Ботиров ҳақорат-у уятсиз гапларга тўла ёзишмаларида «...осмонга чиқаётган блогерни жойини кўрсатиб қўйгани»ни алоҳида таъкидлаб, «15 кунда мулла бўлгани»га урғу берганди. Шунингдек, ёзишмаларда ўша блогер «асакалик» экани, «ҳоким тиқ» дегани учун «тиқилгани»ни ҳақоратлар билан баён қилганди.
Мавзуга доир: Блогер Хуршид Далиевни ҳақорат қилган Андижон шаҳар ҳокими матбуот котиби иши судга оширилди
Андижон вилояти прокуратураси томонидан Андижон вилояти ҳокими матбуот котиби Мирзоҳид Ботировга тегишли экани айтилаётган ёзишмалар юзасидан терговолди текширув ўтказилиб, Жиноят кодексининг 139 ва 140-моддалари билан жиноят иши қўзғатилганди. Бироқ, жиноят иши якунлари бўйича бошқа маълумот берилмаган.
