Наргиза Неъматова 1964 йилда туғилган, маълумоти бўйича мутахассислиги врач-терапевт. 1991 йилда Тошкент давлат тиббиёт институтининг кундузги бўлимини тамомлаган.
Фаолияти давомида Олот тумани марказий касалхонаси кардиолог врачи, туман марказий касалхонаси туғруққа тайёрлаш бўлими мудири, терапевт врачи, бош врачи вазифаларида ишлаган. 2004 йилдан халқ депутатлари Олот туман кенгаши депутати.
«Бу амалдаги ҳокимларимиз орасидаги иккинчи аёл кишидир. Асли касби шифокор бўлган ушбу кадр ҳақида яхши фикрлар билдирилади», — деб ёзмоқда @davletovuz.
Аввалроқ, 27 февраль куни @davletovuz канали Бухоро вилоятининг Олот тумани ҳамда Наманган вилоятининг Тўрақўрғон туманига аёл ҳокимлар тайинланиши кутилаётгани ҳақида хабар берган эди.
Эслатиб ўтамиз, 18 февраль куни Сирдарё вилояти хотин-қизлар қўмитаси раиси, сенатор Дилфуза Ўролова вилоятнинг Боёвут туманига ҳоким этиб тайинланган эди. Бу кўп йиллик танаффусдан сўнг у ёки бу ҳудудга аёл кадрнинг ҳоким этиб тайинланиши билан боғлиқ биринчи ҳолат бўлди.
Тузатиш: Хабарнинг биринчи таҳририда янги ҳокимнинг фамилияси Исомиддинова кўринишида хато берилган эди. Ушбу хатолик учун муштарийлардан узр сўраймиз.
Изоҳ (0)