Nargiza Ne’matova 1964-yilda tug‘ilgan, ma’lumoti bo‘yicha mutaxassisligi vrach-terapevt. 1991-yilda Toshkent davlat tibbiyot institutining kunduzgi bo‘limini tamomlagan.
Faoliyati davomida Olot tumani markaziy kasalxonasi kardiolog vrachi, tuman markaziy kasalxonasi tug‘ruqqa tayyorlash bo‘limi mudiri, terapevt vrachi, bosh vrachi vazifalarida ishlagan. 2004-yildan xalq deputatlari Olot tuman kengashi deputati.
“Bu amaldagi hokimlarimiz orasidagi ikkinchi ayol kishidir. Asli kasbi shifokor bo‘lgan ushbu kadr haqida yaxshi fikrlar bildiriladi”, — deb yozmoqda @davletovuz.
Avvalroq, 27-fevral kuni @davletovuz kanali Buxoro viloyatining Olot tumani hamda Namangan viloyatining To‘raqo‘rg‘on tumaniga ayol hokimlar tayinlanishi kutilayotgani haqida xabar bergan edi.
Eslatib o‘tamiz, 18-fevral kuni Sirdaryo viloyati xotin-qizlar qo‘mitasi raisi, senator Dilfuza O‘rolova viloyatning Boyovut tumaniga hokim etib tayinlangan edi. Bu ko‘p yillik tanaffusdan so‘ng u yoki bu hududga ayol kadrning hokim etib tayinlanishi bilan bog‘liq birinchi holat bo‘ldi.
Tuzatish: Xabarning birinchi tahririda yangi hokimning familiyasi Isomiddinova ko‘rinishida xato berilgan edi. Ushbu xatolik uchun mushtariylardan uzr so‘raymiz.
Izoh (0)