Олий ва ўрта махсус таълим вазири Иномжон Мажидов 28 февраль куни Жанубий Кореянинг Кукмин университети вице-президенти О Сеонг Хони қабул қилди.
Олий ва ўрта махсус таълим вазирлиги матбуот хизмати хабарига кўра, учрашувда Ангрен шаҳрида Кукмин университетини очиш бўйича дастлабки келишув имзоланди.
Янги ташкил этиладиган олий таълим муассасасида муҳандислик, электрон муҳандислик ва информатика, ахборот хавфсизлиги, архитектура, дизайн, бизнес бошқаруви каби йўналишлар бўйича таълим берилиши кўзда тутилган.
Мазкур олий таълим муассасасига 1946 йилда асос солинган бўлиб, бугунги кунда унинг таркибида 15 та факультет фаолият юритиб келмоқда.
Аввалроқ Тошкентда Британия менежмент университети ташкил этилиши ҳақида хабар берилган эди.
Изоҳ (0)