Янгийўл шаҳрининг марказида 2020 йил 1 март куни 120 йиллиги кенг нишонланиши кўзда тутилган Усмон Юсуповнинг тарихий уй-музейи реконструкция қилинмоқда, дея хабар бермоқда Тошкент вилояти ҳокимлиги ахборот хизмати.
Уй-музейнинг умумий майдони — 9380 квадрат метр бўлиб, иккита бино — мемориал уй ва экспозиция кўргазма залидан иборат. Усмон Юсупов ушбу уй-музейига 1945 йили оиласи билан кўчиб келган ва ҳаётининг аксарият қисмини шу ерда ўтказган.
Усмон Юсупов 1966 йил 7 майда, унинг турмуш ўртоғи Юлия Степаненко эса 1972 йил 28 апрелда вафот этган. Шундан сўнг, 1974 йил 24 июнда Ўзбекистон Фанлар академиясининг Ўзбекистон халқлари тарихи музейи филиалида Усмон Юсупов уй-музейи ташкил этилади.
Маълумот учун, Усмон Юсупович Юсупов — 1937—1950 йилларда Ўзбекистон Компартияси Марказий қўмитаси биринчи котиби — амалда республика раҳбари сифатида фаолият юритган. Таъкидланишича, узунлиги 345 километр бўлган Фарғона канали 1939 йили айнан Усмон Юсупов ташаббуси билан қурилган.
Изоҳ (0)