Ирландиянинг Корк графлиги соҳилига Танзания байроғи остидаги 77 метрли MV Alta юк кемаси чиқиб қолди, дея хабар берган Irishexaminer. Кема ичида экипаж аъзолари топилмаган.

Фото: The Irish Times

«Бу жуда кам учрайдиган ҳолатлардан бири», — дейди Ирландия соҳилни қўриқлаш хизмати вакили. Унинг айтишича, кема қирғоққа кучли довул туфайли чиқиб қолган.

Сўнгги бор ушбу «арвоҳ кемани» Африка яқинида кўришган. 2018 йил сентябрь ойида кеманинг Бермуд оролларининг жануби-шарқидан ўтаётгани хабар қилинган: кема носоз ҳолатга келгани туфайли экипаж аъзолари эвакуация қилинган бўлиши мумкин.

Фото: «РИА Новости»

Фото: Angle News

Қутқарув кемаларинини ишга тушириш бўйича менежер Жон Таттаннинг фикрича «арвоҳ кема» учун бундай узоқ масофани босиб ўтиш жуда кам учрайдиган ҳолат.

Irishexaminer маълумотларига кўра, кеманинг капитани ким бўлганини аниқлаш борасидаги ишлар ҳозирча бесамар кетган.

Фото: Irishexaminer

Фото: CTV News

Фото: AP Photo

Фото: The Sun