«Роспотребнадзор» Россияда каратин режимини бузганлик учун жазони кучайтиришни режалаштирмоқда. Бунга коронавирус бўйича карантиндан бир неча кишининг қочиб кетганлиги сабаб бўлган. Бу ҳақда «Роспотребнадзор» раҳбари Анна Попова парламентда маълум қилди, деб ёзмоқда «РБК».
Карантиндан қочиш бўйича дастлабки ҳолат 11 февраль, сешанба куни, қайд этилган. Хитойдан қайтган Алла Ильина аэропортда текширувдан ўтказилган ва соғлиқ билан бирор муаммо юзага келса, шифохонага мурожаат қилиши ҳақида огоҳлантирилган. Кейинроқ аёлнинг томоғи оғриган. Тез тиббий ёрдам эса уни карантинга жўнатишга қарор қилган. Бироқ аёл карантиндан қочиб кетган. Унинг айтишича, таҳлил натижалари яхши чиққани сабабли у касалхонада қолишни хоҳламаган.
Петербург суди мазкур аёлни касалхонага мажбуран ётқизишга рухсат берди.
Аввалроқ Россияда тўрт киши коронавирус бўйича карантиндан қочиб кетгани ҳақида хабар берилган эди.
Мавзуга доир: Хитой коронавируси бўйича 17 февралнинг асосий хабарлари
Сўнгги маълумотларга кўра, Хитойда коронавирус эпидемияси чекинмоқда, Хубэй провинциясида коронавирус сабаб ўлаётганлар сони камая бошлаган. Япониянинг Йокогама портида карантинда турган Diamond Princess саёҳат кемасидаги 44 нафар АҚШ фуқаросида коронавирус аниқланди. Хитой компанияси коронавирус инфекциясига қарши потенциал вакцина сотувга чиқишини эълон қилди.
Изоҳ (0)