Хитойда коронавирусга қарши вакциналар синовдан ўтказилмоқда

Хитойда коронавирусга қарши вакциналар синовдан ўтказилмоқда. Бу ҳақда мамлакат соғлиқни сақлаш миллий комиссияси биологик маркази директори Чжан Синмин маълум қилди, дея хабар беради «РБК».

Унинг айтишича, маҳаллий олимлар ҳозирда турли вакциналарни ўрганмоқда. Улардан айримлари ҳайвонларда синаб кўрилмоқда.

Синминга кўра, Хитойда яратилган компьютер модели ёрдамида 100 мингдан ортиқ дори препаратларидан юзга яқини танлаб олинган ва улар ҳозирда синовдан ўтказилмоқда.

Аввалроқ Ухань шаҳрининг ўзига бевосита 20 374 нафар тиббиёт ходими йўналтирилганди.

Сўнгги маълумотларга кўра, Хубэй провинциясида бир сутка давомида янги турдаги COVID-10 коронавируси билан касалланганлар сони 2420 кишига ортган бўлиб, провинцияда касалликка чалинганларнинг жами сони 54 406 кишига етган.