Xitoyda koronavirusga qarshi vaksinalar sinovdan o‘tkazilmoqda. Bu haqda mamlakat sog‘liqni saqlash milliy komissiyasi biologik markazi direktori Chjan Sinmin ma’lum qildi, deya xabar beradi “RBK”.
Uning aytishicha, mahalliy olimlar hozirda turli vaksinalarni o‘rganmoqda. Ulardan ayrimlari hayvonlarda sinab ko‘rilmoqda.
Sinminga ko‘ra, Xitoyda yaratilgan kompyuter modeli yordamida 100 mingdan ortiq dori preparatlaridan yuzga yaqini tanlab olingan va ular hozirda sinovdan o‘tkazilmoqda.
Avvalroq Uxan shahrining o‘ziga bevosita 20 374 nafar tibbiyot xodimi yo‘naltirilgandi.
So‘nggi ma’lumotlarga ko‘ra, Xubey provinsiyasida bir sutka davomida yangi turdagi COVID-10 koronavirusi bilan kasallanganlar soni 2420 kishiga ortgan bo‘lib, provinsiyada kasallikka chalinganlarning jami soni 54 406 kishiga yetgan.
Izoh (0)