Осиё Чемпионлар Лигасининг 1-турида «Пахтакор» 10 февраль, душанба куни «Шабоб ал-Аҳли»га қарши баҳс олиб борди.
Кучли ёмғир остида кечган учрашувда Шота Арвеладзе шогирдларининг қўли баланд келди. 18-дақиқада Жалолиддин Машарипов дарвозабоннинг устидан оширган ҳолда тўпни дарвозага жойлаб қўйди.
67-дақиқада амирликлар футболчилари бурчак зарбасидан кейин ҳисобни тенглаштирди: акробатик усулда йўлланган зарбани Элдор Суюнов қайтарди, бироқ қайтган тўпга Педро Конде биринчи бўлиб етиб келиб гол урди.
Бироқ орадан узоқ вақт ўтмай Драган Черан қанотдан узатиб берилган тўпни дарвозага аниқ йўллаган ҳолда якуний ҳисобни ўрнатди — 2:1.
Шу тариқа «Пахтакор» мусобақани ғалаба билан бошлади. Кейинги турда «шерлар» яна ўз майдонида «Шаҳр Хордо»га қарши баҳс олиб боради.
ОЧЛ
1-тур баҳси
10 февраль, душанба
«Пахтакор» — «Шабоб ал-Аҳли» 2:1
Голлар: 1:0 — 18 Жалолиддин Машарипов, 1:1 — 67 Педро Конде, 2:1 — 70 Драган Черан.«Пахтакор»: Элдор Суюнов, Ҳожиакбар Алижонов, Шерзод Аъзамов (Анзур Исмоилов, 81), Егор Кримец, Фаррух Сайфиев, Одил Ҳамробеков, Сардор Собирхўжаев, Достон Ҳамдамов, Драган Черан, Жалолиддин Машарипов, Игор Сергеев (Эрен Дердийок, 72).
«Шабоб Ал Аҳли»: Мажид Носир, Муҳаммад Марзуқ, Абдулазиз Ҳайкал, Муҳаммад Себил, Юсуф Жабер, Азиз Ғаниев, Исмоил Алҳаммади (Аҳмад Ҳалил, 73), Абдулла Нақби, Мажид Ҳассан, Федерико Картабия, Педро Конде.
Огоҳлантиришлар: Конде (42), Собирхўжаев (56), Ҳамробеков (61).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)