Ўзбекистонликлар Жанубий Корея ва Ўзбекистон Бандлик ва меҳнат муносабатлари вазирликлари ўртасида бандликка рухсат бериш тизими асосида Ўзбекистон фуқароларини Кореяда ишга жойлаштириш бўйича ҳамкорлик меморандуми доирасида Кореяга ишга боришлари мумкин.
Вазирлик хабарида қайд этилишича, фуқаролар Кореяга ишга кетиши учун Ўзбекистон Бандлик ва меҳнат муносабатлари вазирлиги ҳузуридаги Ташқи меҳнат миграцияси агентлигига мурожаат этиши лозим.
Фуқароларга қўйиладиган асосий талаблар:
- Ўзбекистон Республикаси фуқароси бўлиши;
- Номзоднинг ёши 18 ёшдан 39 ёшгача бўлиши;
- Корейс тилини билиши;
- Судланмаган ва Ўзбекистон Республикаси ҳудудидан чиқишга рухсат (хорижга чиқиш паспорти) мавжуд бўлиши;
- Корея Республикаси ҳудудида бўлиш ва бошқа қонунларини бузмаган бўлиши;
- Соғлом бўлиш (ранг ажрата олмаслик касаллиги — далтонизм бўлмаслиги);
- Корея Республикасида 5 йилдан ортиқ муддат давомида ишламаган бўлиши лозим.
Изоҳ (0)