2020 йилда ўтган йили юзага келган инфляция билан боғлиқ айрим кўринишларга барҳам берилиши ва озиқ ҳамда ноозиқ-овқат товарлар нархининг ортиқча ошмаслиги кутилмоқда. Марказий банк томонидан тайёрланган шарҳда шу ҳақда сўз боради, дея хабар беради Spot.
Бунинг сабабларидан бири сифатида ички нархлар Марказий Осиёдаги ва асосий савдо шерикларидаги нархларга сезиларли даражада тенглашиб бўлгани айтилмоқда. 2020 йилда инфляция 12—13,5 фоиз атрофида прогноз қилинаётгани, 2019 йилда эса бу кўрсаткич 15 фоиздан ошгани ҳам шу билан изоҳланади.
Ундан ташқари, иқтисодиёт кредитланишининг ўсиши секинлашади ва номинал ЯИМ ўсиши (20—25 фоиз) даражасида бўлиши кутилмоқда. Бу иқтисодиётда эҳтиёж ҳаддан ортиқ ўсишининг олдини олади ва шу тариқа инфляция ва алмашув курсига босимни камайтиради.
Учинчидан, миллий валюта алмашув курсининг кутилаётган барқарорлашуви 2019 йилга нисбатан жорий йилда инфляция жараёнларига камроқ таъсир кўрсатади.
Тўртинчидан, қишлоқ хўжалиги, тўқимачилик ва қурилиш саноатида ишлаб чиқариш ҳажмининг ўсиши ички эҳтиёж қондирилишига олиб келади. Ички бозорда рақобатнинг кенгайиши эса мазкур соҳаларда нархлар барқарорлашишида муҳим рол ўйнайди.
Бешинчидан, 2020 йилда прогноз қилинаётган аҳоли даромадлари, жумладан, ўртача иш ҳақининг мўътадил ўсиши эҳтиёжнинг инфляция билан боғлиқ омиллари таъсири камайишига туртки беради.
Изоҳ (0)