Футбол бўйича Ўзбекистон олимпия терма жамоаси бугун, 22 январь куни Таиланд мезбонлик қилаётган 23 ёшгача футболчилар ўртасидаги Осиё чемпионатида ярим финал беллашувини ўтказади.
Ушбу баҳсда Любинко Друлович шогирдларига Саудия Арабистони терма жамоаси рақиблик қилади. Ўйин 15:15 да старт олади. «Дарё» эса мазкур беллашувдан матнли онлайн трансляцияни амалга оширади.
Маълумот учун, ушбу баҳсда ўртага Токио—2020 Олимпиадаси йўлланмаси тикилган. Ютган жамоа нафақат финалга йўл олади, балки Олимпиада йўлланмасига ҳам эга чиқади. Мағлуб бўлган терма эса учинчи ўрин ҳамда Олимпиада йўлланмаси учун Австралия—Жанубий Корея жуфтлигида ютқазган терма билан курашади.
Бўлди ўйин якунланди. Ўзбекистон 3-ўрин учун Жанубий Корея—Австралия учрашуви ғолибига қарши учинчи ўрин учун кураш олиб боради
Мана ўша гол
Гол урилган вазиятда Азиз Ғаниев тўпни тўхтата олмай хатога йўл қўйди
87. Гол!! Афсус! Саудия Арабистони футболчиси Носир Салмон Ал-Омраннинг берган зарбаси йўл-йўлакай жамоадошига тегиб Неъматов дарвозасидан жой олди
83. Кенжабоевдан зарба, жуда ноаниқ
75. Сауд Абдулҳамид Санжар Қодирқуловга нисбатан қўполлик учун сариқ карточка билан сийланди
74. Ойбек Бозоров ўрнига Нурилло Тўхтасинов майдонга тушди. Анъанавий ўзгариш
67. Кенжабоев Бобур Абдухолиқов ўрнига майдонга тушди
Ислом Кенжабоев майдонга тушишга ҳозирлик кўрмоқда
Абдулла Абдуллаев рақибига зарба бериб, ўзи жароҳат олиб майдонда ётибди
65. Али Содиқ Ал-Ҳассандан жуда кучли ва бироз ноаниқ зарба
Яна бир хавфли вазият, бироқ...
Жамоалар яна эҳтиёткорликка эътибор қаратишни бошлади
Бу эса Бобурнинг кўкка совурган имконияти
Саудиянинг қарши ҳужумларидан бири
Абдулла Абдуллаев эса рақибига нисбатан қўполлиги учун сариқ карточка олди
Бобур яна бир имкониятни кўкка совурди.
Иккинчи бўлим Ўзбекистоннинг ҳужумлари билан бошланди. Аммо рақиблар қарши ҳужумда ўйнашга ҳаракат қилмоқда
Жасур Яхшибоевга нисбатан жарима майдончаси чизиғи устида ўйин қоидаси бузилди
Иккинчи бўлим бошланди
45. Биринчи бўлим якунланди. Танаффус қиламиз. Ҳисоб ҳозирча 0:0
Кураш майдон марказига кўчди, на Ўзбекистон ва на Саудия голли имконият ярата оляпти
Тезкор гол урилмагача, иккала терма жамоа ҳам жуда эҳтиёткор бўлиб ҳаракат қилишга ўтди
Абдухолиқовга бўлим аввалида жуда кўп имкониятлар берилди. Ҳозир эса Саудия ҳимоячилари уни жуда яхши қўриқламоқда
Жасур Яхшибоевга нисбатан қўполлик ишлатилди. Жасурга шифокорлар майдонда кўмак кўрсатмоқда
30. Дастлабки ярим соат ортда қолди. Ҳозирча майдонда тенглик.
Саудияликлар ҳам фаоллашиб қолди. Улар дарвозани узоқдан ўққа тутишга ҳаракат қилмоқда. Бироқ ҳозирча ҳимоячиларимиз уларни «блок» қилишга эришмоқда
Ҳужумда фол. Қодирқулов рақиблар дарвозабони Муҳаммад ал-Ямига қўполлик ишлатди
24. Рақиблар узоқ масофадан Неъматовни синаб кўрмоқчи бўлди-ю, бироқ тўп дарвозадан анча баланддан ўтиб кетди
22. Ўзбекистондан яна бир ҳужум, Бобур яна тўпга зарба бера олмади
Саудияликлар жуда ҳам хотиржамлик намойиш этмоқда
Мана ўша вазият
18. Ўзбекистон терма жамоасида ўта хавфли ҳужум. Эҳ, Бобур очиқ қолган дарвозага гол ура олмади
16. Саудия ҳужумчиси Ал-Ҳамдан рақибни алдаб ўтиб зарба берди, бироқ ноаниқ
Араблар айтарли ҳужум уюштира олгани йўқ, аммо Ўзбекистонга ҳам у даражада катта имконият бераётгани йўқ
13. Санжар Қодирқуловнинг узатмасидан сўнг Бобур Абдухолиқов бироз ноаниқ зарба берди
Ўзбекистонлик футбол мухлиси фарзандли бўлибди. Табриклаймиз! Энг катта табрикни эса футболчилармиздан кутамиз:)
Ўйин пайтидаям туғадимией хотин деган. pic.twitter.com/mZHOUx6Xiz
— Faraon (@GrFaraon1) January 22, 2020
Ўзбекистонлик мухлислар
The Uzbek fans are here in their numbers again #AFCU23 pic.twitter.com/4cZ1izdEPI
— AFC (@theafcdotcom) January 22, 2020
8. Ўзбекистон терма жамоаси сардори Ислом Қобилов мусобақадаги илк сариқ карточкасини ишлаб олди. У арабистонлик рақибига нисбат ҳақиқатан ҳам қўпол ўйнаб юборди
Ортда қолган дақиқаларда энг фаол ўйинчи сўзсиз — Ҳожиакбар Алижонов
5. Дастлабки беш дақиқалик ҳужумдан кўра қўполликлар билан ўтди
Ҳожиакбар Алижоновга нисбатан яна бир бор қўполлик ишлатилди
Sport-TV телеканалида Элдор Мустафоев ҳамда Мурод Ризаев қойилмақом тандем ҳосил қилди
Ўзбекистон дастлабки дақиқаларда тўпга эгалик қилишга ҳаракат қилмоқда
2. Ҳожиакбар Алижоновга нисбатан Ғариб ўйин қоидасини бузди
Ўзбекистон таркибида аввалги баҳслардаги каби ўзгариш йўқ
1. Ўйин бошланди, олға Ўзбекистон!
Учрашув бошланишига саноқли дақиқалар қолмоқда
Сўровномада иштирок этинг:
Иккала терма жамоа таркиблари
LINE-UPS | Saudi Arabia U23 🇸🇦 🆚 Uzbekistan U23 🇺🇿
📝 The starting XIs for the first #AFCU23 semi-final have been announced. A place in the final and the 🇯🇵 Tokyo Olympics are on the line.
🤔 Who's making the final – defending champions or the Green Falcons❓ pic.twitter.com/9qVpnk3zUE— AFC (@theafcdotcom) January 22, 2020
Друлович асосий таркибни эълон қилди:
Ўзбекистон: Абдувоҳид Неъматов, Илҳом Алижонов, Ҳусниддин Алиқулов, Ислом Қобилов, Ҳожиакбар Алижонов, Азиз Ғаниев, Абдулла Абдуллаев, Ойбек Бозоров, Санжар Қодирқулов, Жасур Яхшибоев, Бобур Абдуҳолиқов.
Рақибларнинг ҳам асосий таркиби маълум:
Саудия Арабистони: Муҳаммад Алями, Абдулбосит Муҳаммад Ҳинди, Ҳассан Алтамбакти, Сами Алнажи, Абдулраҳмон Ғариб, Абдуллоҳ Абдулраҳмон Алҳамддан, Айман Алҳулайф, Ҳолид Дубайш, Али ал-Ҳассан, Муҳтор Али Шайҳ, Сауд Абдуллоҳ Албудҳамид.
Ассалому алайкум, азиз футбол мухлислари!
Ўзбекистон тарихида бугун унутилмас кун бўлиши мумкин. Любинко Друлович шогирдлари ўзбек футбол тарихида янги саҳифа очишга яқин турибди. Бу йўлда Саудия Арабистони мағлуб этилса бас. Ўзбекистон илк бор Олимпиада йўлланмасини қўлга киритади! Насиб қилса, яқин икки соатда шундай бўлади деган умиддамиз. Учрашувни эса биргаликда кузатиб боришга таклиф қиламиз. Ахир ҳаммада ҳам «свет» бўлмаслиги мумкин:)
