«Бунёдкор» жамоаси Осиё Чемпионлар Лигасининг иккинчи саралаш босқичи доирасида 22 январь, чоршанба куни «Аз-Завра»га қарши баҳс олиб борди.
Тошкентдаги ЖАР стадионида бўлиб ўтган учрашувда «қалдирғочлар» йирик ҳисобдаги ғалабага эришди. Учрашувнинг дастлабки дақиқаларидаёқ «Бунёдкор» вакиллари пенальти ишлаб олди. 11 метрлик жарима зарбасини жамоанинг янги футболчиси Мурод Холмуҳаммедов аниқ бажарди.
Иккинчи бўлимнинг илк дақиқасида Ҳумоюн Муртазоев ироқликлар дарвозабони билан бирга-бир вазиятга чиқиб бориб, иккинчи голни урди. 78-дақиқада захирадан майдонга тушганига кўп бўлмаган Бобур Фарҳодов ҳисобни йирик кўринишга олиб келди.
85-дақиқасида Муртазоев дублга эришган бўлса, орадан уч дақиқа ўтиб Аббос Қосим меҳмонларнинг ягона жавоб тўпини киритди.
Шу тариқа Вадим Абрамов жамоаси кейинги босқичга йўл олди ва Чемпионлар Лигаси гуруҳ босқичи учун курашда БААнинг «Ал-Айн» клуби билан баҳс олиб боради.
ОЧЛ—2020
Иккинчи саралаш босқичи
22 январь, чоршанба
«Бунёдкор» Ўзбекистон — «Аз-Завра» Ироқ 4:1
Голлар: 1:0 — 9, пенальти Холмуҳаммедов, 2:0 — 46 Муртазоев, 3:0 — 78 Фарҳодов, 4:0 — 85 Муртазоев, 4:1 — 88 Аббос ҚосимЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)