Хитой Ўзбекистонда арзон юк автомобиллари ишлаб чиқариш учун 12 млн доллар ажратади
«Ўзавтосаноат», Sinotruk International Investment Limited ва MAN Truck & Bus SE янги корхона — Uz Truck and Bus Motors’ни ташкил этиш тўғрисида келишув имзолади. Бу ҳақда «Ўзавтосаноат» матбуот хизмати хабар берди.
Маълум қилинишича, янги компания Ўзбекистонда юк автомобиллари ишлаб чиқарувчи JV MAN Auto-Uzbekistan негизида ташкил этиб, унинг устав фондига жами 12 миллион доллар инвестиция киритди.
Киритилган инвестициялар ишлаб чиқариш қувватларини йилига 3 минг техникадан 6 минг донага етказиш, янги моделлар ишлаб чиқаришни ўзлаштириш ва бутловчи деталларни маҳаллийлаштиришга йўналтирилади.
Мавзуга доир: Hyundai, Peugeot Citroen, Volkswagen ва бошқалар: Ўзбекистон автосаноатидаги 5 та янги бренд
Мавзуга доир: Наманганда Hyundai автозаводи қурилишини жадаллаштириш бўйича қўшимча инвестиция шартномаси имзоланди
