Таиланд мезбонлик қилаётган U23 Осиё чемпионатининг D гуруҳи вакиллари 16 январь, пайшанба куни 3-тур ўйинларини ўтказди.
Гуруҳ пешқадамлари Иордания ва Бирлашган Араб Амирликлари ўзаро баҳс юритди. Учрашувнинг 42-дақиқасида Зойид ал-Амири амирликларни олдинга олиб чиққан бўлса, 79-дақиқада Иҳаб ал-Хавалдеҳ мувозанатни тиклади.
Вьетнам эса кутилмаганда гуруҳ аутсайдери КХДРга ютқазиб қўйди. 26-дақиқада Нгуен Тиэн Лин шарқий осиёликларнинг илк голини урди. Бироқ бунга кореяликлар 27 ва 89-дақиқаларда жавоб қайтаришга эришди.
Шу тариқа гуруҳда БАА ва Иордания 5 очкодан тўплаган ҳолда кейинги босқичга йўл олди. Иорданияни қўшимча кўрсаткичларда ортда қолдириб, пешқадамликни қўлга киритган БАА чорак финалда Ўзбекистон олимпия терма жамоаси билан ўйнайди. 2018 йилги мусобақада Ўзбекистон U23 терма жамоаси билан финалда ўйнаган Вьетнам эса гуруҳда қолиб кетди
U23 ОЧ—2020
3-тур баҳслари
16 январь, пайшанба
D гуруҳи
Иордания — БАА 1:1
Голлар: 0:1 — 42 Зойид ал-Амири, 1:1 — 42 Иҳаб ал-ХавалдеҳВьетнам — КХДР 1:2
Голлар: 1:0 — 16 Нгуен Тиэн Лин, 1:1 — 27 Буи Тиэн Дунг, 1:2 — 89, пенальти Ри Чун КюЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)