UFC’нинг икки вазндаги собиқ чемпиони Конор Макгрегор 2018 октябрида Ҳабиб Нурмагомедов билан бўлган жангдан 50 миллион доллар ишлаб олгани ҳақида маълум қилди.
Макгрегорнинг сўзларига кўра, 19 январь куни Дональд Серронега қарши ўтадиган жангдан у 80 миллион доллар ишлаб топади. Бу эса Конорнинг фаолиятидаги энг катта гонорар ҳисобланади. Қайд этиш жоиз, бу маблағни ҳисоблашда жанг учун бериладиган 5 миллион доллардан ташқари пулли трансляциялардан тушадиган улуш ҳам ҳисобланган.
Ирландиялик спортчи Ариэл Ҳелванига берган интервьюсида 35 ёшга тўлганида миллиардерга айланиши ҳақида ҳам айтиб ўтган.
Эслатиб ўтамиз, Макгрегор—Серроне жанги 19 январь тонгида Лас-Вегасда бўлиб ўтади.
Изоҳ (0)