«Барселона» ҳимоячиси Жан-Клер Тодибо фаолиятини «Шальке-04»да давом эттиради. Бу ҳақда немис клуби расмий сайтида маълум қилинди.
«Шальке-04» 20 ёшли футболчини 2020 йилнинг 30 июнига қадар ижарага олган. Гелзенкирхенликлар клуби Тодибонинг маошини тўлайди. Шунингдек, уларда франциялик ҳимоячини 25+5 миллион евро эвазига сотиб олиш ҳуқуқи бўлади. Агар немис клуби Тодибони сотиб олиш ҳуқуқидан фойдаланса, у ҳолда «Барселона» футболчини 50+10 миллион еврога қайта сотиб олиш имкониятини сақлаб қолади.
Жан-Клер 2019 йилнинг январида «Тулуза»дан каталонлар сафига келиб қўшилганди. Унинг «кўк-анорранглилар» билан амалдаги шартномаси 2023 йилнинг ёзига қадар мўлжалланган.
Тодибо жорий мавсум «Барселона» сафида Ла Лигада иккита ва Чемпионлар Лигасида битта ўйин ўтказди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)