ИИВ Халқаро аэропортларда хавфсизликни таъминлаш қўшинлари қўмондони тайинланди

Генерал майор Баҳодир Мирзараҳимов Ички ишлар вазирининг жазони ижро этишни таъминлаш ва ҳарбий тузилмалар бўйича ўринбосари лавозимига тайинланди, деб хабар беради ИИВ матбуот хизмати.

Тайинловга қадар Баҳодир Мирзараҳимов Ички ишлар вазирлиги Халқаро аэропортларда хавфсизликни таъминлаш қўшинлари қўмондони лавозимида фаолият юритган.

Полковник Баҳромбек Адилов Ички ишлар вазирлиги Жазони ижро этиш бош бошқармаси бошлиғи вазифасини бажарувчи этиб, полковник Хасан Ботиров Ички ишлар вазирлиги Қоровул қўшинлари қўмондони лавозимига тайинланди.

Тайинловга қадар Хасан Ботиров Ўзбекистон Республикаси Миллий гвардияси қўмондонининг ўринбосари лавозимида фаолият юритган.

Полковник Шокиржон Худойназаров эса Ички ишлар вазирлиги Халқаро аэропортларда хавфсизликни таъминлаш қўшинлари қўмондони лавозимига тайинланди.

Тайинловга қадар Шокиржон Худойназаров Ички ишлар вазирлиги Халқаро аэропортларда хавфсизликни таъминлаш қўшинлари қўмондонининг биринчи ўринбосари-штаб бошлиғи лавозимида фаолият юритган.