Ноябрь ойида тошкентликлар орасида «Сирғали бу – кичик Англия» (Америка, Хитой, Мексика) деган билборд қизиқиш уйғотди. 27 декабрь куни бу сир очилди ва Ўзбекистонда биринчи янги форматдаги Сирғали туманида жойлашган «Five» фудкорт жамоатчиликка тақдим қилинди.
2019-й. 27 декабрь, Тошкент. «Five» – Ўзбекистонда илк бор кўнгилочар савдо маркази қошида эмас, балки алоҳида ноёб гастрономик лойиҳа сифатида барпо этилди. У 7 та ресторан ва 1 қаҳвахонани ўзида жамлаган бўлиб, тотли таом шинавандаларига одат бўлиб қолган фастфуд ўрнига муқобил таомларни тақдим қилади ва истеъмол қилиб кўриш имконини яратади. Бир майдонда Мексика, Англия, Италия, Америка, Ливан ва бутун Осиё ошхоналари жойлашган.
«Five» гастролойиҳаси бу — ҳар бир ташриф буюрувчи учун одатдаги таъм чегараларини кенгайтириш имкониятидир. Энди жаҳонда кенг тарқалган ошхоналар билан яқиндан танишиш учун дунёнинг бошқа бир чеккасига авиачипта олиш шарт эмас – фарзандларингиз ва ўзингиз бошқа мамлакатлар шоҳ таомлари билан Тошкентда танишишингиз мумкин. «Five» бу – бир вақтнинг ўзида Мексиканинг бурритоси, Ливаннинг фалафели ва круасанлари билан қаҳва ичиш жойидир», — деб шарҳлайди лойиҳа раҳбари Наргиза Улуғова.
Фудкорт макони 200 та ўтириш жойига мўлжалланган, 120 хил турдаги таомлар менюсидан иборат, буюртмани кутиш вақти эса 10 дақиқадан ортмайди, бу «Five» меҳмонларига тез хизмат кўрсатиш ҳамда соғлом ҳамда кафеда тотли овқат ейиш ва ўзи билан олиб кетиш имконини беради. Ташкилотчилар тақдим этиладиган таомларнинг аутентик бўлишига ҳаракат қиладилар.
«Биз чет элга саёҳати чоғида маҳаллий ошхонага баҳо берган меҳмонимизга «Five» фудкортига келиб, таъми ва сифати жиҳатдан ўша овқатларга тенг таом унга тортилишини истаймиз. Агар пицца тақдим қилсак, у Италияда ейиладиган пиццадир. Рецептидаги озиқ-овқат маҳсулотлари маҳаллий маҳсулотларга алмаштирилмайди. Масалан, менюда авокадодан тайёрланган гуакамоле ва классик рецепт бўйича тайёрланган хумус мавжуд», — деди лойиҳа бош ошпази Жамшид Орипов.
Илк «Five» фудкорти Сирғалидаги korzinka.uz супермаркети ёнида очилди. Ташкилотчилар бутун Тошкент бўйича мазкур фудкортлар тармоғини яратишни режалаштирмоқдалар.
Изоҳ (0)