5 декабрь куни Huawei компанияси Федерал алоқа комиссиясига (ФАК) қарши даъво қўзғатди ва суд 22 ноябрдаги ноқонуний ФАК қарорини бекор қилишни талаб қилди.
Ушбу буйруққа мувофиқ Американинг қишлоқ жойларидаги алоқа операторларига Huawei ускуналарини сотиб олиш учун Универсал сервис жамғармаси (УСЖ) билан боғланиш тақиқланган.АҚШнинг бешинчи округи бўйича апелляция судига берилган мурожаатномада Huawei компанияси миллий хавфсизликка таҳдид солиши борасида комиссия томонидан тегишли ҳуқуқий асоснома йўқлиги сабабли ФАК қарорини ноқонуний деб эълон қилишни суддан сўрайди. Huawei вакиллари фикрича, ФАКнинг асоссиз хулосаларини исботлайдиган далиллар йўқлиги, АҚШ Конституциясида эътироф этилган қарорларни бошқариш тартиби тўғрисидаги қонунга ҳам зиддир.«Келиб чиқиши Хитойдан бўлгани учунгина Huawei каби компания фаолиятини вето қўйиш орқали чекланиши кибер-хавфсизлик муаммосини ҳал қилмайди», — деди Huawei бош юристи Сун Люпин матбуот анжуманида.
Жаноб Суннинг таъкидлашича, 2018 йил март ойида ФАК илк бор ушбу баёнот билан чиқиш қилганидан кейин ФАК раиси Ажит Пай ва комиссиянинг бошқа мутасаддилари Huawei хавфсизликка таҳдид солиши ва Huawei ҳамда минтақавий алоқа операторлари томонидан келтирилган далил ва эътирозларини эътиборсиз қолдирган ва ўз даъвосини тасдиқловчи ҳеч қандай далил тақдим этмаган.
«Huawei, шунингдек, ушбу қарор чекка ҳудудлардаги одамлар ва бизнесга қандай зарар етказиши мумкинлигини батафсил тушунтирган ҳолда 21 нафар қўшимча шарҳларни йўллади. ФАК уларнинг барчасини эътиборсиз қолдирди», — деди жаноб Сун.
«Монтана, Кентукки ва Вайоминг штатларидаги кичик шаҳарлардаги алоқа операторлари Huawei билан ишлашни афзал кўришади, чунки компания ишлаб чиқарилаётган ускуналарнинг сифати ва ишончлилигига жуда эҳтиёткорлик билан ёндашади, — дея қўшимча қилди бош маслаҳатчи. — ФАК АҚШнинг олис қишлоқ туманларини ўзаро алоқа билан таъминлаш бўйича биргаликдаги ҳаракатларимизни тўхтатмаслиги лозим».Суд жараёнида компанияни ҳимоя қилишни таъминлайдиган адвокатлар гуруҳининг раҳбари Гленн Нейгернинг сўзларига кўра, ФАК шунчаки меъёрий бўлмаган низомни тасдиқлаган ва унинг вакиллари эътирофларига кўра фақат Huawei ва бошқа Хитой компанияси учун ишлаб чиқилгандир.
Бундан ташқари Нейгер таъкидлаганидек, ФАК томонидан қабул қилинган қарор ташкилотнинг «қонуний ваколати» доирасидан ташқарига чиқади, чунки ФАК миллий хавфсизлик масалалари бўйича қарор қабул қилиш ёки бундай қарорлар асосида УСЖ маблағларидан фойдаланишга чекловлар қўллаш ваколатига эга эмас. Аслида комиссия на профессионал ва на хавфсизлик соҳасида ваколатга эга эмасдир.
Нейгер сўзларига кўра, Huawei’ни ФАК томонидан миллий хавфсизликка таҳдид сифатида тан олиши қонуний ва далилий асосга эга эмас. «Комиссиянинг бундай қарори Хитой қонунларини тубдан тушунмаслик ва далилларга эмас, асоссиз, ишониб бўлмайдиган ва қабул қилиб бўлмайдиган айбловлар ва ҳужумларга асосланган. Компанияни хавфсизликка таҳдид деб тан олиниши, ўтакетган камситиш ва хурофотдир.Huawei компаниясининг корпоратив алоқалар бўйича вице-президенти Карл Сунгнинг таъкидлашича, ФАКнинг тутган нуқтаи назари Huawei ускуналарига бевосита боғлиқ бўлган Американинг чекка қишлоқлардаги алоқа сифатига таҳдид қилмоқда, чунки бошқа сотувчилар аҳоли жуда кичик миқдорда бўлган ва бориш қийин бўлган жойларда ишлашга тайёр эмас. Унинг қўшимча қилишича, компаниянинг фаолиятига вето қўйиш ва «алмаштириш» борасидаги таклифи юзлаб миллион доллар зарар келтиради ва ҳатто баъзи кичик алоқа операторларининг касодга учрашига олиб келиши мумкин.
Реклама ҳуқуқи асосида.
Изоҳ (0)