Бутунжаҳон антидопинг агентлиги (WADA) ижроқўми раҳбари Жонатан Тэйлор Россия футбол терма жамоасининг 2022 йилги Жаҳон Чемпионатидаги иштироки борасида гапирди.
«Россия терма жамоаси Жаҳон Чемпионатида иштирок эта оладими? Биринчи навбатда Россия саралаш босқичидан ўта оладими ёки йўқ, шуни билиш керак. Агар у финал босқичига чиқадиган бўлса, у ҳолда Россия номи ва мамлакат байроғи остида ҳаракат қила олмайди. Шунингдек, ҳар бир футболчи алоҳида текширувдан ўтади. ФИФА буни назорат қилади.
Таъкиблаб ўтаман, халқаро мусобақаларда Россия байроғи бўлмайди. Бу индивидуал спорт тури бўладими ёки жамоавий, фарқи йўқ, барча спортчилар алоҳида текширувдан ўтади. Ҳар бир ҳолат бўйича изоҳ бера олмаймиз, чунки сўнгги қарорни Спорт арбитраж суди (CAS) чиқаради», — дейди Тэйлор.
Эслатиб ўтамиз, WADA Россияни 4 йил муддатга Олимпия ўйинлари ва барча турдаги Жаҳон чемпионатларидан четлаштирганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)