Футбол бўйича Германия Бундеслигасининг 14-тури доирасида 7 декабрь, шанба куни 5 та ўйин якунланди.
Люсьен Фавр қўл остидаги Дортмунднинг «Боруссия» клуби «Сигнал Идуна Парк» стадионида «Фортуна Дюссельдорф» жамоасини синовдан ўтказди.
Учрашув давомида «арилар» вакиллари Марко Ройс (42, 70) ва Жейдон Санчо (63, 74) 2 тадан голга муаллифлик қилган бўлса, Торган Азар (58) ўз ҳисобига битта гол ёздириб қўйди.
Натижада дортмундликлар «Фортуна» дарвозасига жавобсиз 5 та гол уриб, йирик ҳисобда ғалаба қозонди.
Мазкур ғалабадан сўнг Дортмунд клуби 26 очко йиғган ҳолда мусобақа жадвалида 3-ўринни эгаллаб турибди. «Фортуна» эса 12 очко билан 16-ўринда бормоқда.
Шу куни Ханс-Дитер Флик бошқарувидаги Мюнхеннинг «Бавария» клуби эса «Боруссия Мюхенгладбах» майдонига сафар қилди.
Беллашувда «қизиллар» ярим ҳимоячиси Иван Перишич (49)нинг голига мезбонлар жазоирлик ҳимоячи Рами Бенсебайни (60, 90, пенальти)нинг дубли билан жавоб қайтарди.
Шу тариқа Мюнхен клуби меҳмонда «Боруссия Мюнхенгладбах»га 1:2 ҳисобида ютқазиб қўйди ва очко йўқотди.
Маълумот учун, «қизиллар» 24 очко жамғарган ҳолда мусобақа жадвалида 6-ўринда бормоқда. «Боруссия Мюнхенгладбах» эса 31 очко тўплаб, мусобақа жадвалида биринчи ўринга кўтарилиб олди.
Бундеслига
14-тур баҳслари
7 декабрь, шанба
«Боруссия Д»—«Фортуна Д» 5:0
Голлар: 1:0 – 42 Ройс, 2:0 – 58 Азар, 3:0 – 63 Санчо, 4:0 – 70 Ройс, 5:0 – 74 Санчо«Лейпциг»—«Ҳоффенҳайм» 3:1
Голлар: 1:0 – 11 Вернер, 2:0 – 52, пенальти Вернер, 3:0 – 83 Забитцер, 3:1 – 89 Бичакчич«Боруссия М»—«Бавария» 2:1
Голлар: 0:1 – 49 Перишич, 1:1 – 60 Бенсебайни, 2:1 – 90, пенальти Бенсебайни«Фрайбург»—«Вольфсбург» 1:0
Гол: 1:0 – 85 Шмид«Аугсбург»—«Майнц» 2:1
Голлар: 0:1 – 15 Озтунаи, 1:1 – 41 Рихтер, 2:1 – 65, пенальти НидерлехнерЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)