Футбол бўйича Англия Премьер лигасининг 15-тури доирасида 4 декабрь, чоршанба куни 6 та ўйин бўлиб ўтди.
Оле-Гуннар Сульшер қўл остидаги «Манчестер Юнайтед» «Олд Траффорд»да Жозе Моуриньо бошлиқ Лондоннинг «Тоттенҳэм» жамоасини қабул қилди.
Учрашувнинг 6-дақиқасидаёқ «манкунианлар» ҳужумчиси Маркус Рэшфорд ҳисобни очган бўлса, 39-дақиқага келиб «шпорлар» ярим ҳимоячиси Деле Алли ҳисобни тенглаштирди (1:1). 49-дақиқада эса лондонликлар дарвозаси томон пенальти белгиланди ва ундан Рэшфорднинг ўзи унумли фойдаланиб жамоасини ҳисобда олдинга олиб чиқди.
Шу тариқа ўйин 2:1 ҳисобида «Юнайтед»нинг ғалабаси билан якунланди ва жамоа муҳим 3 очкога эга бўлди.
Мазкур ғалабадан сўнг «қизил иблислар» очколари сонини 21 тага етказиб олди ва мусобақа жадвалида 6-ўринга кўтарилди. «Тоттенҳэм» эса 20 очко билан 8-поғонада бормоқда.
Фрэнк Лэмпард бошчилигидаги Лондоннинг «Челси» клуби эса ўз майдонида «Астон Вилла» билан баҳсга киришди.
Беллашувнинг 24-дақиқасида «аристократлар» ҳужумчиси Тэмми Абраҳам Рис Жеймс узатган тўпни рақиб дарвозасига жойлаб қўйган бўлса, 41-дақиқага келиб меҳмон жамоа ярим ҳимоячиси Трезеге ҳисобни тенглаштирди (1:1). 2-бўлимнинг 48-дақиқасида «кўклар» вакили Мэйсон Маунт жамоасининг ғалаба голига муаллифлик қилди (2:1).
Қайд этиш жоиз, «Челси» 29 очко тўплаган ҳолда мусобақа жадвалида 4-ўринни банд қилиб турибди. 15-ўринда бораётган «Астон Вилла» ҳисобида эса 15 очко мавжуд.
Шу куни Юрген Клопп бошқарувидаги «Ливерпуль» эса ўз уйида «Эвертон»ни синовдан ўтказди.
Учрашув давомида Дивок Ориги (6, 31), Жердан Шақири (17) Садио Мане (45) ҳамда Жоржиньо Вейналдум (90) «қизиллар»нинг голларига муаллифлик қилган бўлса, «Эвертон»дан Майкл Кин (21) ва Ришарлисон (45) ўз номига биттадан гол ёздириб қўйди.
Натижада «Ливерпуль» ўз юида кечган баҳсда «Эвертон»ни 5:2 ҳисобида мағлубиятга учратди.
Маълумот учун, мусобақа жадвалида мутлақ етакчилик қилаётган Клопп жамоаси 43 очко жамғарди. «Эвертон» эса 14 очко билан 18-ўринни эгаллаб турибди.
АПЛ
15-тур баҳслари
4 декабрь, чоршанба
«Лестер»—«Уотфорд» 2:0
Голлар: 1:0 — 55, пенальти Варди, 2:0 — 90 Мэддисон«Вулверҳэмптон»—«Вест Ҳэм» 2:0
Голлар: 1:0 — 23 Дендонкер, 2:0 — 86 Кутроне«Манчестер Юнайтед»—«Тоттенҳэм» 2:1
Голлар: 1:0 — 6 Рэшфорд, 1:1 — 39 Алли, 2:1 — 49, пенальтиРэшфорд«Челси»—«Астон Вилла» 2:1
Голлар: 1:0 — 24 Абраҳам, 1:1 — 41 Трезеге, 2:1 — 48 Маунт«Саутҳэмптон»—«Норвич» 2:1
Голлар: 1:0 — 22 Ингз, 2:0 — 43 Бертран, 2:1 — 65 Пукки«Ливерпуль»—«Эвертон» 4:2
Голлар: 1:0 — 6 Ориги, 2:0 — 17 Шақири, 2:1 — 21 Кин, 3:1 — 31 Ориги, 4:1 — 45 Мане, 4:2 — 45 РишарлисонЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)