«Реал», «Тоттенҳэм» ва «Арсенал» каби клубларнинг собиқ ҳужумчиси Эммануэль Адебайор фаолиятини «Пахтакор»да давом эттириши мумкин.
Туркиянинг Hurriyet нашри хабарига кўра, «Кайсериспор» футболчиси турк клубини тарк этишини маълум қилган. Таъкидланишича, «шерлар» устози Шота Арвеладзе тоголик футболчини «Пахтакор»га келишга кўндирган.
Аввалроқ грузиялик мутахассис «Пахтакор» Адебайорни қўлга киритишга яқин бўлгани, бироқ футболчи Туркияда қолишни истаганини айтганди.
Маълумот учун, Адебайор фаолияти мобайнида «Монако», «Манчестер Сити», «Реал Мадрид» ва «Тоттенҳэм» жамоаларида ҳам тўп сурган. 35 ёшли футболчи 2019 йилнинг ёзида «Истанбул Башакшеҳир» клубидан «Кайсериспор»га ўтганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)