Испания суди «Барселона» ҳужумчиси Лионель Мессининг хайрия фондига нисбатан тергов иши очди.
Аbc'нинг хабар қилишича, фондда 2012—2015 йиллар мобайнида ишлаган Федерико Реторри гувоҳликка чақирилган. У Мессини, шунингдек, футболчининг отаси, акаси ва яқинларини пул ювиш, фирибгарлик, солиқдан қочиш ва молиявий жиноятларда айбламоқда.
Арзномада маълум қилинишича, фонднинг даромадлари ижтимоий лойиҳаларга йўналтирилиш ўрнига, фондга тегишли бўлмаган бошқа хусусий тармоқ ёки ҳисоб рақамларга юборилган.
Шунингдек, Месси чет эл компаниялари билан хайрия шартномалари (қонунга мувоффиқ хайрия шартнмоалари солиққа тортилмайди) имзолаб, солиқлардан қочгани айтилмоқда. Бунинг натижасида фонд 10 миллион евро ишлаб олган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)