Бош прокуратура ҳузуридаги Мажбурий ижро бюроси Сурхондарё вилоят бошқармаси томонидан Сариосиё туманида 7,5 миллиард сўмлик солиқ қарздорлиги ундирилди. Бу ҳақда «Дарё»га Мажбурий ижро бюроси томонидан маълум қилинди.
Хабар берилишича, Сариосиё туманлараро иқтисодий судининг ижро варақасига асосан туманда фаолият юритаётган масъулияти чекланган жамиятдан 7,5 миллиард сўмлик солиқ ва бошқа мажбурий тўловларни ундириш белгиланган.
Мазкур ижро ҳужжати МИБ Сариосиё туман бўлими иш юритувига 15 августда келиб тушган ва ижро ҳаракатларига киришилган.
Бюро ходимлари жамият раҳбарларига огоҳлантириш хати билан чиқиб, қарздорлик қопланмаган тақдирда мол-мулклар аукцион савдоларига чиқарилиб, қарздорлик шу тарзда қопланиши тушунтирилган.
Бу каби тушунтириш ишларидан сўнг жамиятнинг масъул раҳбарлари мавжуд қарздорликни тўлиқлигича тўлаб берган.
Шундан сўнг ижро ҳаракатлари тўхтатилиб, қарздорга нисбатан қўлланилган барча чекловлар МИБ туман бўлими томонидан олиб ташланди.
Изоҳ (0)