Футбол бўйича Англия Премьер лигасининг 13-тур баҳсларига 23 ноябрь, шанба куни старт берилди.
Турнинг дастлабки ўйинида Лондоннинг икки клуби — «Вест Ҳэм» ҳамда «Тоттенҳэм» ўзаро тўқнаш келди.
Учрашув давомида «шпорлар» вакиллари Сон Ҳён Мин (36), Лукас Моура (43) ҳамда Ҳарри Кейн (49) томонидан урилган голларга «Вест Ҳэм» Микаил Антонио (73) ва Анжело Огбонна (90)нинг голлари билан жавоб қайтарди.
Шу тариқа «Тоттенҳэм» Жозе Моуриньо қўл остида дастлабки ғалабасига эришди (3:1) ва муҳим 3 очкога эга бўлди.
Ушбу ғалабадан сўнг «Тоттенҳэм» очколари сонини 17 тага етказиб олди ва жамоа мусобақа жадвалида 6-ўринга кўтарилди. «Вест Ҳэм» эса 13 очко билан 16-поғонада бормоқда.
АПЛ
13-тур баҳси
23 ноябрь, шанба
«Вест Ҳэм»—«Тоттенҳэм» 2:3
Голлар: 0:1 — 36 Сон Ҳён Мин, 0:2 — 43 Лукас Моура, 0:3 — 49 Кейн, 1:3 — 73 Антонио, 2:3 — 90 Огбонна«Вест Ҳэм»: Роберто, Крессуэлл, Огбонна, Диоп (Санчес, 64), Фредерикс, Нобл, Фелипе Андерсон (Антонио, 46), Райс, Снодграсс, Ярмоленко (Форнальс, 56), Аллер
«Тоттенҳэм»: Гассанига, Дэвис (Роуз, 75), Санчес, Орье, Алдервейрелд, Алли (Эриксен, 79), Уинкс, Лукас Моура (Сиссоко, 82), Дайер, Сон Ҳён Мин, Кейн
Огоҳлантиришлар: Диоп (11), Фредерикс (39), Дэвис (70), Кейн (87), Снодграсс (87)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)