Видео: Ҳабиб Нурмагомедов Ўзбекистонда жанг ўтказадими? Унинг ўзи бунга жавоб берди

Тошкент мезбонлик қиладиган ММА бўйича GFC 20 мусобақасидан олдин матбуот анжумани ташкил этилди.

Унда мусобақанинг фахрий меҳмони Ҳабиб Нурмагомедов Тошкентдаги «Humo Arena» мажмуасида жанг ўтказиш ҳақида гапириб ўтди.

« ‘Humo Arena’ UFC мусобақаларини ўтказиш учун тўла мос келади. Масалан, Москвада 11 минг киши сиғадиган ЦСКА Аренада жанг оқшомини ўтказдик. ‘Humo Arena’ эса жаҳон савиясидаги арена ва унга 15 минг одам сиғади. У ерда бемалол йирик мусобақаларни ўтказса бўлади. Мен UFC билан шартномага эгаман. Агар UFC жангни шу ерда ташкил этса, мен, албатта, шу ерда жанг қиламан. Агар келажакда Ўзбекистон ММА ассоциацияси бу борада UFC билан келиша олса, мен жон-жон деб бу ерда жанг қилган бўлардим. Доғистонда бундай савиядаги арена йўқ. Тўғри, стадион бор, бироқ UFC усти очиқ иншоотларда жанг ўтказишга рухсат бермайди. Шунинг учун, ‘Humo Arena‘да жанг қилишга қарши эмасман», — дея Ҳабиб Нурмагомедовнинг сўзларини келтирмоқда «Дарё» мухбири.