19 ноябрь куни пойтахтда Tashkent Fashion Week—2019 модалар ҳафталигига старт берилди. Бу ҳақда Туризмни ривожлантириш давлат қўмитаси хабар берди.
Tashkent Fashion Week—2019 ҳафталиги профессионал дизайнерлар ва Модалар уйларига ўз либосларини намойиш этиш ва модалар дунёсидаги тендесиялар ҳақида маълумот олиш учун ажойиб имконият. Таъкидлаш жоизки, мода туризм индустрияси учун алоҳида аҳамиятга эга бўлиб, саёҳат йўналишини танлашдаги асосий мезонлардан бири ҳисобланади.
Бугунги кунда ўзбек миллий матолари халқаро ҳамжамият ва жаҳон мода уйларида катта қизиқиш уйғотмоқда, ўзбек дизайнерлари эса ўз навбатида, миллий анъаналарни сақлаб қолган ҳолда замонавий модага янги элементларни жалб қилишга ҳаракат қилмоқда.
Tashkent Fashion Week-2019 дастуридан қуйидагилар ўрин олган:- #beyoung– ёш дизайнерлар танлови;
- ўзбек ва хорижий дизайнерларниниг муаллифлик кўргазмалари;
- Tashkent Fashion Performance;
- «Миллий либос» фестивали;
- ўзбек матолари ва миллий либослари кўргазмаси;
- хорижий ва маҳаллий етакчи дизайнерларнинг маҳорат дарслари ва ўқув-семинарлари.
Ҳафталик доирасида ўзбек санъати ва матолари ҳамда Ўзбекистоннинг машҳур дизайнерлари маҳсулотлари кўргазмасини ташкил этиш кўзда тутилган. Мода ҳафталиги 24 ноябргача давом этади.
Эслатиб ўтамиз, апрель ойида Тошкентда Ikat либослар намойиши, шунингдек, Aspara Fashion Week халқаро мода ҳафталиги бўлиб ўтганди.
Изоҳ (0)