Президент Шавкат Мирзиёевнинг таклифига биноан Туркманистон президенти Гурбангули Бердимуҳамедов 28 ноябрь куни амалий ташриф билан Ўзбекистонга келади, деб хабар берди ЎзА.
Давлат раҳбарлари ўзаро манфаатли ҳамкорликни янада ривожлантириш истиқболларини муҳокама қилади ҳамда савдо-иқтисодий, транспорт-коммуникация ва маданий-гуманитар соҳаларда қўшма лойиҳалар амалга оширилишини кўриб чиқади.
Президентлар, шунингдек, минтақавий ва халқаро аҳамиятга молик долзарб масалалар юзасидан фикр алмашади.
Туркманистон президенти 29 ноябрь куни Тошкентда Марказий Осиё давлатлари раҳбарларининг иккинчи маслаҳат учрашувида иштирок этади.
Мавзуга доир: Шавкат Мирзиёев Марказий Осиё давлатлари раҳбарларининг маслаҳат учрашувларини ҳар йили Наврўзда ўтказишни таклиф қилди
Изоҳ (0)