19-noyabr kuni poytaxtda Tashkent Fashion Week—2019 modalar haftaligiga start berildi. Bu haqda Turizmni rivojlantirish davlat qo‘mitasi xabar berdi.
Tashkent Fashion Week—2019 haftaligi professional dizaynerlar va Modalar uylariga o‘z liboslarini namoyish etish va modalar dunyosidagi tendesiyalar haqida ma’lumot olish uchun ajoyib imkoniyat. Ta’kidlash joizki, moda turizm industriyasi uchun alohida ahamiyatga ega bo‘lib, sayohat yo‘nalishini tanlashdagi asosiy mezonlardan biri hisoblanadi.
Bugungi kunda o‘zbek milliy matolari xalqaro hamjamiyat va jahon moda uylarida katta qiziqish uyg‘otmoqda, o‘zbek dizaynerlari esa o‘z navbatida, milliy an’analarni saqlab qolgan holda zamonaviy modaga yangi elementlarni jalb qilishga harakat qilmoqda.
Tashkent Fashion Week-2019 dasturidan quyidagilar o‘rin olgan:- #beyoung – yosh dizaynerlar tanlovi;
- o‘zbek va xorijiy dizaynerlarninig mualliflik ko‘rgazmalari;
- Tashkent Fashion Performance;
- “Milliy libos” festivali;
- o‘zbek matolari va milliy liboslari ko‘rgazmasi;
- xorijiy va mahalliy yetakchi dizaynerlarning mahorat darslari va o‘quv-seminarlari.
Haftalik doirasida o‘zbek san’ati va matolari hamda O‘zbekistonning mashhur dizaynerlari mahsulotlari ko‘rgazmasini tashkil etish ko‘zda tutilgan. Moda haftaligi 24-noyabrgacha davom etadi.
Eslatib o‘tamiz, aprel oyida Toshkentda Ikat liboslar namoyishi, shuningdek, Aspara Fashion Week xalqaro moda haftaligi bo‘lib o‘tgandi.
Izoh (0)