Ўзбекистон – инфляция бўйича еттинчи ўринда. Давлат Назарнинг ўлими шаффоф тергов қилинадими? Ҳафтанинг энг муҳим твитлари

«Дарё» ўтиб бораётган ҳафтанинг қизғин баҳсларга сабаб бўлган твитларини диққатингизга ҳавола этади.

Борис Жонсон Буюк Британиянини Европа Иттифоқидан чиқариш борасидаги келишуви юзасидан Twitter’да қолдирган изоҳ:

«Биз Европа Иттифоқидаги дўстларимиз билан бизни январь ойида Иттифоқдан чиқариши керак бўлган ажойиб келишувга эришдик. Келинглар, сиёсий келишмовчиликларга эмас, эркин савдога асосланган янги муносабатларни тиклайлик».

https://twitter.com/BorisJohnson/status/1193562889484951552

Эронлик араб шоири Ҳасан Ҳайдарийнинг вафоти муносабати билан юзага келган норозилик намойишлари.

Эроннинг Аҳвоз шаҳридаги намойишчилар Эрон Ислом Республикаси байроқларини 24 ёшида вафот этган араб шоири Ҳасан Ҳайдарий сабаб пастга туширмоқда. Аҳоли наздида шоир заҳарлаб ўлдирилган.

https://twitter.com/ThomasVLinge/status/1193884048801832960

Боливия президентининг ҳокимиятдан кетиши муносабати билан билдирилган твит:

«Моралес 13 йил мобайнида ҳокимият тепасида турди. У референдумни тўрт муддатга президент бўлиб турган пайтда ютқазди. У ўзбилгирларча ҳаракат қилди ва сохта сайловларда ғалаба қозонди. У оммавий норозиликлар манзарасида ҳокимиятдан кетишга мажбур бўлди. Ҳаттоки Боливиянинг энг йирик касаба уюшмалари ҳам ундан ҳокимиятдан кетишни сўради. Албатта, буни ‘давлат тўнтариши’ деб атамаслик учун», – Идрис Аҳмад, @guardian, @washingtonpost, @foreignpolicy нашрлари мухбири.

https://twitter.com/im_PULSE/status/1193677329014415361

АҚШ президенти Теҳрон ва Вашингтон муносабатлари хусусида нима яхши-ю нима ёмонлиги ҳақида:

«Эрон сўнгги 12 йил давомида изсиз кетган ФҚБнинг собиқ агенти Роберт А. Левинсонни АҚШга қайтариб берганида эди, бу ижобий қадам бўларди. Айни пайтда Эрон, ишончимга кўра, уранни бойитиш билан банд. Бу эса ўта ёмон сиёсий қадам», – Дональд Трамп.

https://twitter.com/realDonaldTrump/status/1193716259944304646

Хоразмлик журналист Давлатназар Рўзметов автоҳалокатда сирли ҳалок бўлиши ҳақида Никита Макаренко  твити:

«Мен Хоразм вилоятидаман. Бу йўл журналист Давлатназар Рўзметов автоҳалокатда фожиали ҳалок бўлган жойидир. 48 ёшли журналист ўз мақолаларида маҳаллий ҳокимият вакилларини танқид қилиб келаётган эди. Биз бу мудҳиш воқеа шаффоф ва холисона тергов қилинишидан умидвормиз. Бизга жавоб керак».

https://twitter.com/nikmccaren/status/1192476120895152129

Боливия президенти Эво Моралес ҳокимиятдан кетганидан сўнг дастлабки дақиқаларда ёзган твити:

«Меса ва Комачода полиция ёрдамида амалга оширилган давлат тўнтариши туфайли президентликдан кетганимдан кейин ўтказаётган биринчи туним. Шу тариқа раҳбарлик даврларимни ёдга олдим. Кочабамбадаги биродарларимга хавфсизлигимни таъминлаб, мамлакатни тарк этишимда ёрдам берганлики учун миннатдорман».

https://twitter.com/evoespueblo/status/1194059795365543936

«Дунё аҳолиси жон бошига қанча электр энергияни истеъмол қилади?» – Алпер Учўқ, Туркия савдо ва саноат палатасининг Германиядаги вакили.

Исландия – 54.4 МВт;

Норвегия – 23.7 МВт;

Баҳрайн – 18.7 МВт;

Канада – 14.3 МВт;

АҚШ – 12.6 МВт;

Япония – 8.1 МВт;

Франция – 7.2 МВт;

Германия – 7 МВт;

Россия – 6.8 МВт;

Греция – 5.6 МВт.

https://twitter.com/AlperUcok/status/1193918898694959105

The Spectator Index (халқаро сиёсат, фан, маданият, иқтисодга оид таҳлиллар билан шуғулланадиган агентлик) 2019 йилда инфляция даражаси юқори бўлган мамлакатлар рўйхатини тузди.

Венесуэла – 10 000 000 фоиз;

Зимбабве – 73 фоиз;

Судан – 49 фоиз;

Аргентина – 43 фоиз;

Эрон – 37 фоиз;

Туркия – 17 фоиз;

Ўзбекистон – 16.

https://twitter.com/spectatorindex/status/1194321462477373440

Рейчел Доббс, журналист, The Guardian, The Economist нашрлари колумнисти Эстониядаги бугунги салбий ҳолат ҳақида:

«Эстония рақамли технологиялар соҳасида пешқадам, ёши катталар орасида саводхонлик даражаси юқори, аҳоли жон бошига тўғри келадиган олимпия медалларини қўлга киритишда ҳам етакчи. Шунингдек, Эстония ҳеч ким биринчи бўлишни хоҳламайдиган соҳаларда ҳам пешқадамликни қўлдан бой бермаяпти: ҳеч ким изоҳлаб бера олмайдиган опиоидлар эпидемияси сабаб Европанинг гиёҳвандлик пойтахтига айланди».

https://twitter.com/ItsRachelDobbs/status/1194325608320380929

«Немис тўлқини радиоси бугунги кунда кўплаб мамлакатлар сиёсатида кузатилаётган популизм ҳақида:

«Кўп мамлакатларда биз тўқнаш келаётган популизм бизни биримиз билан ҳамкорлик қилишга ундамоқда. Варшава, Будапешт, Прага ва Братислава шаҳарлари ҳокимлари популизмга қарши курашишни режа қилган».

"The populism we're dealing with in many countries is leading us to cooperate with each other."

How the mayors of Warsaw, Budapest, Prague and Bratislava are planning to fight populism. https://t.co/dXt4DYDHOO

— DW News (@dwnews) November 12, 2019

Элизабет Уоррен ҳокимият тепасига келса, амалга ошиши мумкин бўлган хавотирлар ҳақида:

«Унинг бойликка солиқ акцияси акцияларни касод қилади, фоиз ставкаларини оширади, у эътироф этаётганидан-да кўпроқ нарсаларни барбод қилади», – Энди Паздер, америкалик ёзувчи.

"Her levy on wealth would sink stocks, raise interest rates, and confiscate far more than she admits.” -@AndyPuzderhttps://t.co/Llgk5BDooP

— America First Works (@America1stWorks) November 12, 2019

Дональд Трамп савдо урушлари, импичмент хавфи остида турган бир пайтда АҚШнинг биринчи хоними нималар билан машғул экани ҳақида:

«Тарихий Шарқий хона қавати қайта таъмирланди. Оқ Уйга ташриф буюрувчи зиёратчилар бу ерда қандай ишлар амалга оширилганини 23 ноябрь санасига қадар кўриши мумкин. Муваффақаият учун барча усталарга, консерваторларга ва Оқ Уй ходимларига миннатдорлигимни билдираман».

The historic East Room floor has been restored! Visitors on the public tour can learn about our most recent project to preserve the People's House on display in the East Room until Nov. 23. Thank you to the craftsmen, conservators & residence staff for making this a success! pic.twitter.com/GFkC1XTA9J

— Melania Trump 45 Archived (@FLOTUS45) November 8, 2019

Жаҳонгир Эргашев тайёрлади.