Ўзбекистон терма жамоаси 9 ноябрь, шанба куни Қирғизистонга қарши ўртоқлик ўйини ўтказди.
Тошкентдаги «Пахтакор» стадионида бўлиб ўтган баҳсда Вадим Абрамов шогирдлари 3:1 ҳисобидаги ғалабани қўлга киритди.
Учрашувнинг 11-дақиқасида Игор Сергеев ўнг қанотдан ташкил қилинган ҳужумни голга айлантирди. 30-дақиқада меҳмонлар ҳисобни тенглаштирди, Фарход Мусабеков бурчак зарбасидан сўнг тўпни Элдор Суюнов дарвозасига жойлаб қўйди.
53-дақиқада захирадан майдонга қўшилган Достон Ҳамдамов Одил Аҳмедовнинг узатмасидан кейин майдон эгаларининг иккинчи голини урди. 80-дақиқада Жамшид Искандеров жарима майдони ташқарисидан кучли зарба йўллаб, якуний ҳисобни ўрнатди.
Шу тариқа Ўзбекистон терма жамоаси ЖЧ—2022 саралаш баҳсларидан олдин ғалабани қўлга киритди.
Ўртоқлик учрашуви
9 ноябрь, 17:00
«Пахтакор» стадиони
Ўзбекистон — Қирғизистон 3:1
Голлар: 1:0 — 11 Игор Сергеев, 1:1 — 30 Фарход Мусабеков, 2:1 — 53 Достон Ҳамдамов, 3:1 — 80 Жамшид ИскандеровЎзбекистон: Элдорбек Суюнов, Шароф Муҳитдинов, Ислом Тўхтахўжаев (Рустам Ашурматов, 46), Одил Аҳмедов, Мурод Холмуҳаммедов (Ҳожиакбар Алижонов, 64), Одил Ҳамробеков (Лутфулла Тўраев, 58), Аброр Исмоилов (Икром Алибоев, 46), Санжар Қодирқулов, Хуршид Ғиёсов (Жамшид Искандеров, 70), Азиз Турғунбоев (Достон Ҳамдамов, 46), Игор Сергеев.
Қирғизистон: Павел Матяш, Тамирлан Козубаев, Мустафа Юсупов, Гулжигит Аликулов, Эдгар Бернҳардт (Бахтиёр Дуйшобеков, 63), Мирлан Мурзаев (Қайрат Жиргалбек Уулу, 63), Бекжан Сагинбаев (Александр Мишченко, 63), Одилжон Абдрахманов, Акрамжон Умаров (Азамат Байматов, 74), Виталий Люкс (Муролим Аҳмедов, 7), Фархат Мусабеков (Аҳлиддин Исроилов, 64).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)