МИБ ўз фаолияти давомида энг қиммат уйни кимошди савдосига қўйди (фото)

Яшнобод тумани Мажбурий ижро бюроси бошланғич қиймати 10 миллиард сўм бўлган уйни кимошди савдосига қўйди.

auksion.uz»" data-action="zoom" class="border lazyload" />

Мазкур лот «E-auksion.uz» ишга тушганидан бери кимошди савдосига қўйилган энг қиммат кўчмас мулклардан ҳисобланади. Бунга қадар сотувга қўйилган уйларнинг нархи 5 миллиард сўмдан ошмас эди.

Гап Мирзо Улуғбек тумани Садаф кўчасида жойлашган икки қаватли, 10 та хонадан иборат уй ҳақида кетмоқда. Уйнинг умумий майдони 839,4 метр квадрат. Бутун ҳовли эса 13 сотихни ташкил этади.

Уй кимошдига Жиноят ишлари бўйича суднинг қарорига кўра қўйилган. Кимошди савдосида иштирок этиш учун аризалар 23 ноябрга қадар қабул қилиниб, 25 ноябрь куни савдо бўлиб ўтади. Кимошдида иштирок этмоқчи бўлганлар олдиндан 500 миллион сўм тўлашлари лозим.