3 ноябрь куни Ислом Каримов номидаги Тошкент халқаро аэропортида сохта паспортлар билан Ўзбекистонга киришга уринган шахслар қўлга олинди. Бу ҳақда ДХХ Чегара қўшинлари матбуот хизмати хабар берди.
Маълум бўлишича, Истанбулдан Тошкентга келган бир гуруҳ шахсларнинг паспортлари текширилган. Натижада уларнинг ёнида бўлган Италия давлатига тегишли паспортлар сохта бўлиб чиққан. Олиб борилган суриштирув ишлари давомида ушбу шахслар аслида Эрон фуқаролари эканлиги маълум бўлган.
Қонунбузарларга белгиланган тартибда чора кўрилган.
Таъкидлаш керакки, сўнгги йилларда мамлакатда туризм салоҳиятини қўллаб-қувватлаш, ташриф буюраётган сайёҳлар оқимини ошириш мақсадида қарийб 60 дан ортиқ хорижий давлат фуқаролари учун Ўзбекистонга 30 кунгача визасиз тартиб жорий қилинган. Бу эса Ўзбекистонга келаётган сайёҳлар оқими икки баробарга кўпайишига олиб келди.
Изоҳ (0)