Тошкентнинг Сергели туманида тадбиркор мебел ясаб беришни ваъда қилиб, фуқаронинг пулларини фирибгарлик йўли билан ўзлаштиргани аниқланди. ИИББ матбуот хизматининг хабар беришича, бу ҳақда Сергели тумани ИИО ФМБдан 4 ноябрь куни хабар келиб тушган.
26 ёшли тадбиркор С.Э. 9 июнь кунидан августгача 33 ёшли Т.Х.га 1066 та стуллар, диван ва креслолар тайёрлаб беришни ваъда қилган. Буюртма учун С.Э. Т.Х.дан 265 миллион 100 минг сўм олиб, мебелларни тайёрламасдан, пулларни ўз эҳтиёжига сарфлаб юборган.
Воқеа юзасидан Жиноят кодексининг 168-моддаси («Фирибгарлик») бўйича жиноий иш қўзғатилган.
Изоҳ (0)