«Тошкент» халқаро аэропортида божхоначилар томонидан iPhone 11 телефонлари ва бошқа товарларнинг яширин йўллар билан олиб кириш ҳолати аниқланди, деб хабар бермоқда Божхона қўмитаси матбуот хизмати.
Қайд этилишича, хориждан учиб келган фуқаро М.А. олдиндан кузатувга олинган ва автотураргоҳдаги Spark машинаси ёнида ноқонуний йўллар билан олиб кирилган телефонларни йиғиб олаётган вақтида тезкор гуруҳ ходимлари томонидан ашёвий далиллар билан қўлга олинди.
Ушбу шахс текширилганида, унинг автомашинасидан умумий қиймати 140 миллион 500 минг сўмлик 11 дона iPhone 11, 17 дона атир ва электрон қўл соатлари мавжудлиги аниқланган.
Ҳозирда юқоридаги ҳолат юзасидан божхона органлари томонидан суриштирув ҳаракатлари давом эттирилмоқда.
Бундан аввал Қорақалпоғистондаги «Даут-ата» чегара божхона постида қадимий тангаларни олиб чиқиб кетишга уринган шахс, «Қорақалпоғистон» темир йўл чегара божхона постидан 33 миллион сўмлик вискиларни чегарадан яширинча олиб ўтмоқчи бўлган йўловчи қўлга олинганди.
Тожикистон чегарасида жойлашган «Жартепа» чегара божхона пости орқали эса 13,7 млн сўмлик заргарлик буюмларини оёқ кийимида Ўзбекистонга олиб ўтмоқчи бўлган шахс тўхтатиб қолинган.
Изоҳ (0)