Шимолий Корея етакчиси Ким Чен Ин жорий йил охирига қадар АҚШ президенти Дональд Трамп билан яна учрашиш ниятида. Бу ҳақда Жанубий Корея парламенти депутати Ким Мин Ки маълум қилди, дея хабар беради Yonhap агентлиги.
«Жанубий Корея разведкаси Ким декабрда Трамп билан яна бир саммитни кўзлаган деб ҳисобламоқда», — таъкидлаган Ким Мин Ки.
Яна бир депутат — Ли Он Чжега кўра, Ким Чен Ин Вашингтон ва Пхенян вакиллари ўртасида октябрь ойи бошида Швецияда бўлиб ўтган маслаҳатлашувлардан сўнг шундай қарорга келган бўлиши мумкин.
Маълумот учун, АҚШ президенти ва КХДР етакчисининг бундан олдинги учрашуви июнь ойида Жанубий ва Шимолий Корея чегарасидаги қуролсизланган ҳудудда бўлиб ўтганди.
Изоҳ (0)