Shimoliy Koreya yetakchisi Kim Chen In joriy yil oxiriga qadar AQSh prezidenti Donald Tramp bilan yana uchrashish niyatida. Bu haqda Janubiy Koreya parlamenti deputati Kim Min Ki ma’lum qildi, deya xabar beradi Yonhap agentligi.
“Janubiy Koreya razvedkasi Kim dekabrda Tramp bilan yana bir sammitni ko‘zlagan deb hisoblamoqda”, — ta’kidlagan Kim Min Ki.
Yana bir deputat — Li On Chjega ko‘ra, Kim Chen In Vashington va Pxenyan vakillari o‘rtasida oktabr oyi boshida Shvetsiyada bo‘lib o‘tgan maslahatlashuvlardan so‘ng shunday qarorga kelgan bo‘lishi mumkin.
Ma’lumot uchun, AQSh prezidenti va KXDR yetakchisining bundan oldingi uchrashuvi iyun oyida Janubiy va Shimoliy Koreya chegarasidagi qurolsizlangan hududda bo‘lib o‘tgandi.
Izoh (0)