Mamlakatning taniqli millioner ayollaridan biri Vonni Jiraxaroyening murdasi Tailand shimolidagi Chiangmay shahridagi uyida ustiga beton quyilgan holatda muzlatgich ichidan topilgan. Bu haqda “RIA Novosti” xabar berdi.
Qurilish sohasida biznes qilgan va xayriya ishlari bilan shug‘ullangan ayol 18-oktabrdan beri yaqin qarindoshlari bilan umuman aloqaga chiqmaganligi ta’kidlanmoqda. Politsiyachilarni 58 yoshli Jiraxaroyening qo‘shnilari uning uyidan qo‘lansa hid chiqa boshlaganidan keyin chaqirgan.
Keyinchalik politsiya mahkamasi ayolning bankdagi hisobidan katta miqdordagi pullar yechib olingani, uning avtomashinasi va bank kartalarining yo‘qolganligini xabar qildi.
Ayolga suiqasd uyushtirganlikda uning o‘limidan keyin sirli ravishda g‘oyib bo‘lgan sevgilisi gumon qilinmoqda. 39 yoshli gumonlanuvchi Vitun Sitabut allaqachon hibsga olingan. Uning jinoyatga aloqadorligini guvohlar hamda kuzatuv kameralaridagi videoyozuvlar ham tasdiqlagan.
Izoh (0)