Футбол бўйича Англия Премьер лигасининг 10-тури доирасида 27, октябрь, якшанба куни 4 та ўйин якунланди.
Унаи Эмери қўл остидаги Лондоннинг «Арсенал» клуби ўз майдонида «Кристал Пэлас»ни қабул қилди.
Учрашувнинг 7-дақиқасидаёқ «тўпчилар» ҳимоячиси Сократис Папастатопулос Гранит Жака узатмасини голга айлантирган бўлса, орадан 2 дақиқа ўтиб бразилиялик Давид Луиз ҳисобни 2:0 кўринишига олиб келди. 32-дақиқада эса ҳакам томонидан Бернд Лено дарвозаси томон пенальти белгиланди. Ундан меҳмон жамоа ярим ҳимоячиси Лука Миливоевич унумли фойдаланиб, орадаги фарқни қисқартирди (2:1). 52-дақиқада эса «Кристал Пэлас» ҳужумчиси Жордан Айю ҳисобни 2:2 кўринишига олиб келди.
Шу тариқа «Арсенал» ўз уйида кечган баҳсда «Кристал Пэлас» билан дуранг ўйнади ва бир очкога эга бўлди.
Маълумот учун, лондонликлар 16 очко жамғарган ҳолда мусобақа жадвалида 5-ўринда бормоқда. Ундан кейинги ўринни банд қилиб турган «Кристал Пэлас» ҳисобида эса 15 очко мавжуд.
Оле-Гуннар Сульшер бошлиқ «Манчестер Юнайтед» эса сафарда «Норвич»ни синовдан ўтказди.
Беллашув давомида «манкунианлар» вакиллари Скотт Мактоминей (21), Маркус Рэшфорд (30) ҳамда Антони Марсьяль (73) бирин-кетин гол урган бўлса, мезбон жамоадан Онель Эрнандес (88) ўз ҳисобига битта гол ёздириб қўйди.
Натижада «Юнайтед» меҳмонда кечган баҳсда «Норвич» устидан 3:1 ҳисобидаги ишончли ғалабани қўлга киритди.
Мазкур ғалабадан сўнг «қизил иблислар» очколари сонини 13 тага етказиб олди ва жамоа мусобақа жадвалида 7-ўринни эгаллаб турибди. «Норвич» эса 7 очко билан 19-ўриндан жой олиб турибди.
Турнинг марказий ўйини «Ливерпуль» ҳамда «Тоттенҳэм» клублари қарама-қаршилиги остида кечди.
Ўйиннинг 1-дақиқасидаёқ «шпорлар» ҳужумчиси Ҳарри Кейн ҳисобни очган бўлса, 52-дақиқага келиб мерсисайдликлар ярим ҳимоячиси Жордан Хендерсон ҳисобни тенглаштирди (1:1). 75-дақиқа эса «қизиллар» етакчиларидан бири Муҳаммад Салоҳ пенальтидан гол уриб, жамоасини ҳисобда олдинга олиб чиқди.
Шу тариқа баҳс 2:1 ҳисобида «Ливерпуль» фойдасига якунланди.
Қайд этиш жоиз, мусобақа жадвалида пешқадамлик қилаётган «Ливерпуль» ушбу ғалабадан сўнг очкосини 28 тага етказди. «Тоттенҳэм» эса 12 очко тўплаб 11-ўринда бормоқда.
10-турдан сўнг мусобақа жадвалидаги ҳолат:
АПЛ
10-тур баҳслари
27 октябрь, якшанба
«Ньюкасл»—«Вулверҳэмптон» 1:1
Голлар: 1:0 — 37 Ласселс, 1:1 — 73 Кастро«Арсенал»—«Кристал Пэлас» 2:2
Голлар: 1:0 — 7 Папастатопулос, 2:0 — 9 Давид Луиз, 2:1 — 32, пенальти Миливоевич, 2:2 — 52 Айю«Ливерпуль»—«Тоттенҳэм» 2:1
Голлар: 0:1 — 1 Кейн, 1:1 — 52 Хендерсон, 2:1 — 75, пенальти Салоҳ«Норвич»—«Манчестер Юнайтед» 1:3
Голлар: 0:1 — 21 Мактоминей, 0:2 — 30 Рэшфорд, 0:3 — 73 Марсьяль, 1:3 — 88 ЭрнандесЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)