Футбол бўйича Испания Ла Лигасининг 9-тури доирасида 19 октябрь, шанба куни дастлабки 2 та учрашув бўлиб ўтди.
Эрнесто Вальверде қўл остидаги Каталониянинг «Барселона» клуби сафарда «Эйбар»ни синовдан ўтказди.
Беллашув давомида «кўк-анорранглилар» ҳужумчилари Антуан Гризманн (13), Лионель Месси (58) ҳамда Луис Суарес (66) биттадан голга муаллифлик қилди.
Шу тариқа «Барселона» «Эйбар» дарвозасига жавобсиз 3 та гол уриб, муҳим 3 очкога эга бўлди.
Мазкур ғалабадан сўнг «Барселона» очколари сонини 19 тага етказиб олди ва мусобақа жадвалида етакчиликни ўз қўлига олди. «Эйбар» эса 9 очко билан 14-ўринда бормоқда.
Шу куни Диего Симеоне бошқарувидаги Мадриднинг «Атлетико» клуби ўз майдонида «Валенсия» билан баҳсга киришди.
Ўйиннинг 36-дақиқасида «матрасчилар» ҳужумчиси Диего Коста пенальтидан рақиб дарвозасини ишғол қилган бўлса, 82-дақиқага келиб «кўршапалаклар» ярим ҳимоячиси Даниэль Парехо ҳисобни тенглаштирди.
Шу тариқа учрашув 1:1 ҳисобидаги дуранг натижа билан якунланди ва жамоалар бир очкодан бўлишиб олди.
Маълумот учун, «Атлетико» 16 очко тўплаган ҳолда мусобақа жадвалида 4-ўринда бормоқда. «Валенсия» эса 13 очко жамғариб, 6-ўринни банд қилиб турибди.
Ла Лига
9-тур баҳслари
18 октябрь, жума
«Гранада»—«Осасуна» 1:0
Гол: 1:0 — 38 Дуарте19 октябрь, шанба
«Эйбар»—«Барселона» 0:3
Голлар: 0:1 — 13 Гризманн, 0:2 — 58 Месси, 0:3 — 66 Суарес«Атлетико»—«Валенсия» 1:0
Гол: 1:0 — 36, пенальти Диего Коста, 1:1 — 82 Даниэль ПарехоЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)