Ўзбекистон аҳолисининг фикрича, доллар нархи жорий йил охирига бориб 9837—9895 сўмгача кўтарилиши мумкин. Бу ҳақда Ўзбекистон Марказий банкининг «2019 йил III чоракдаги аҳоли ва тадбиркорлик субъектларининг инфляцион кутилмалари» ҳисоботида маълум қилинган.
Марказий банк томонидан маълум қилинишича, сўров иштирокчиларининг валюта курси бўйича кутилмалари келгуси даврларда миллий валютанинг тебранувчанлик даражасига нисбатан ноаниқлик таъсири остида шаклланган. Шундай қилиб, аҳолининг 2019 йил якунига айирбошлаш курси бўйича кутилмалари ўртача 1 АҚШ доллари учун 9837 сўмга, тадбиркорлар кутилмалари эса ўртача 1 АҚШ доллари учун 9895 сўмга тенг бўлган.
Сўровда бутун республика бўйлаб 900 нафар жисмоний шахс ҳамда 375 нафар юридик шахс иштирок этган.
Эслатиб ўтамиз, жорий йилнинг август ойида доллар курси кескин кўтарилганди. Марказий банк бу ҳолатга ички ва ташқи омиллар таъсир кўрсатганини маълум қилган. 20 августдан бошлаб тижорат банклари нақд доллар сотишни бошлади.
Изоҳ (0)